News
Textilias - Launa, mangola, saida e glin
15.05.12 / Resursa didactica / Rumantsch
Material da partenza per la producziun da textilias furman fibras natiralas e sinteticas. Tar las fibras natiralas differenziesch’ins tranter fibras da plantas (mangola, juta, glin e chonv) e fibras d’animals (launa e saida). L’artitgel en La Quotidiana dat ina survista.
Emprender durant durmir
08.05.12 / Prevenziun / Publicaziun
La NZZ è sa fatschentada en ses artitgel cun l’effect da la sien sin las prestaziuns d’uffants e da giuvenils en scola e sa referescha a numerus studis moderns. Facit: Betg sulettamain il cuz da la sien, mabain oravant tut la qualitad da la sien è decisiva per la prestaziun. (tud.)
Sistem da furmaziun actualisà
04.05.12 / Monitoring / Publicaziun
La versiun online dal sistem da furmaziun svizzer è vegnì actualisà cumplettamain da la Conferenza da las directuras ed ils directurs chantunals da la furmaziun e dal Server svizzer da la furmaziun educa.ch. Questa survista en tschintg linguas tanscha da la scolina a la furmaziun supplementara.
Di interchantunal dals emprendissadis
03.05.12 / Cussegliaziun da carriera
Mesemna, ils 9 da matg, prendan ils chantuns AG, BE, BS, BS, BL, FR, GE, JU, NE, SH, SO, VD, VS, ZG e ZH part al quart di interchantunal dals emprendissadis. En il focus da quest di d’acziun stattan temas divers che tutgan tar la furmaziun professiunala e la tschertga d’emprendissadis. (tud.)
Agenda
Sapperlot! Dialects en Svizra
08.03.12 - 25.08.12 / Biblioteca naziunala, Berna
Co che la Svizra discurriva e discurra – quai è il tema da l’exposiziun actuala en la Biblioteca naziunala svizra a Berna. Ina installaziun acustica pussibilitescha da tadlar la varietad da la lingua discurrida. La pussaivladad da far ina visita guidada datti er.
Lingua d’occurenza: Tudestg, Franzos, Talian, Rumantsch
Stgalim d'instrucziun: Independet dal stgalim
Playtime – Videogame mythologies
10.03.12 - 09.12.12 / Maison d’Ailleurs, Yverdon
Ina nova invista en ils munds magics dals gieus da computer dat l’exposiziun «Playtime – Videogame mythologies». Ella examinescha las novas experientschas corporalas d’in giugader e la relaziun tar ses avatar. La Maison d’Ailleurs è in museum da Science Fiction.
Lingua d’occurenza: Tudestg, Franzos, Englais
Stgalim d'instrucziun: Independet dal stgalim
Curs «Dialog Natur 2012»
19.03.12 - 31.10.12 / entir Grischun
Per la tschintgavla giada entschaiva fin mars il curs «Dialog Natur: Graubündens Natur im Spannungsfeld zwischen Nutzung und Schutz». Durant sis dis da curs en ils mais avrigl fin october vegnan persunas interessadas a savair bleras novas chaussas davart plantas, animals e lur ambient.
Lingua d’occurenza: Tudestg, Rumantsch
Stgalim d'instrucziun: Independet dal stgalim
