Astronomia
L'onn 2009 è vegnì declerà da l'UNESCO sco onn da l'astronomia. educa.ch ha creà in toplink nua ch'ins chatta paginas interessantas ed infurmativas per l'instrucziun da la scienza
Onn internaziunal da l’astronomia 2009
L’UNESCO e la societad d’astronomia coordineschan communablamain las occurrenzas. L’idea da quellas è da s’occupar cun l’univers e qua tras render attent e returnar il sentiment a l’uman da l’agen plaz en il spazi.
Astrokids
A chaschun da l’onn internaziunal da l’astronomia ha ”astronomie.de” sviluppà ina pagina da web per il stgalim primar. Uffants emprendan d’enconuscher l’univers, dian lur opiniun, chattan infurmaziuns e fan dumondas.
Lehrer-Online: Portal spezialisà da l’astronomia
La redacziun “scuvrir la scienza” dal server da furmaziun da la Germania Lehrer-Online s’occupa en ses portal spezialisà da l’ astronomia cun las pussaivladads da tractar ed instruir astronomia en scola – cun u senza ICT.
Wikipedia: postal astronomia
Wikipedia dispona d’in portal per l’astronomia che sa chapescha sco punct da partenza per il tema d’astronomia en il wikipedia. Projects ed infurmaziuns vegnan actualisads regularmain ed uschia chatt’ins ina buna survista tar quest tema.
Scola d’astronomia
L’uniun “scola d’astronomia” da l’universitad da Heidelberg e da l’observatori astronomic da Heidelberg porscha workshops tar l’observatori a partir da la scolina e curs da perfecziunament didactics per persunas d’instrucziun da tut ils stgalims.
ESA Kids
Pagina da “European Space Agency” per uffants. La pagina cuntegna infurmaziuns davart l’univers, missiuns cosmonautas, in laboratori, gieus cun cumbinellas, quizs, models etc. La pagina è era adattada per uffants sut 12 onns.
Starchild
Il center da furmaziun da la NASA per astronauts giuvens infurmescha a moda divertenta e bain chapaivla davart l’univers, il sistem solar e la navigaziun interplanetara. Ins chatta era in glossari cun dumondas interactivas. La pagina è adattada per uffants u novizs en l’astronomia.
Euronews
Emissiuns da televisiun davart temas da l’astronomia (purschidas d’Euronews en collavuraziun cun l’instanza europeica da l’astronautica). Ils news internaziunals vegnan emess ord vista europeica ed en 7 linguatgs.
Stellarium
Stellarium è in program “Open-Source” gratuit che reproducescha sin il computer il tschiel nocturn en 3D. Planets, galaxias, constellaziuns e stailas crudantas èn bain visibels.
Quantas stailas èn visiblas?
Quest project communabel d’in observatori da Vienna e da Thüringen vul vegnir a savair quantas stailas ch’èn anc visiblas globalmain en il tschiel nocturn. Quai vulan els cuntanscher cun la collavuraziun da blers umans sin quest mund. In project fascinant, participar!
Google Moon
Cun GoogleMoon pon ins sa mover libramain sin la glina en ina surfatscha limitada – il medem princip sco ch’igl exista gia per la terra. Las chartas geograficas da la glina èn messas a disposiziun da la NASA. Google celebrescha cun questa pagina la primascensiun da la glina dal fanadur 1969.
Google Mars
Google Mars è ina charta geografica interactiva dal planet cotschen cun reproducziun da muntognas, chavorgias, planiras e craters. La charta mussa la surfatscha dal planet sin trais modas: normal, cun colurs da fantasia per demonstrar las autezzas e cun infracotschen.
