Chalender d’advent 2011
La tradiziun dal chalender d’advent che procura mintgin dals 24 dis avant Nadal per ina surpraisa n’è betg sa midada fitg – era betg en il temp da l’internet. La redacziun dad educa.ch preschenta a las persunas d’instrucziun chalenders d’advent online cun surpraisas ed impuls per il temp d’advent en scola.
In chalender d’advent a la televisiun
Il chalender d’advent a la televisiun porscha la TvR. Ella visita quasi mintga di insatgi che avra ina porta u in regalin da ses chalender. Il facit: ils chalenders èn uschè divers sco lur possessurs.
In chalender d’advent dal Minisguard
N'avais vus anc betg in chalender d'advent? Nagin problem. Vus pudais zambregiar sez in. Las schablonas ston mo pli vegnir tagliadas ora, perfuradas e fermadas ensemen – e gia è el pront, il chalender d'advent dal Minisguard.
Il chalender d’advent dal ZEBIS
En vista a ses chalender d’advent da quest onn ha il Server da la furmaziun da la Svizra Centrala (ZEBIS) envidà classas da la Svizra tudestga da malegiar maletgs sa basond sin trais illustraziuns dadas e da scriver vitiers in’istorgia. A partir dal 1. da december vegnan preschentads mintga di ils maletgs e las istorgias.
Advent e Nadal
Il portal da furmaziun tudestg Lehrer-Online ha cumpilà era quest onn bler material per ils differents stgalims da scola e quai tant per zambregiar chalenders d’advent sco era per il temp d’advent en general.
Zambregiar in chalender d’advent virtual
Il server da la furmaziun da Baden-Württemberg (Landesbildungsserver Baden-Württemberg) descriva co ch’ins fa in "chalender d’advent virtual" per la 5. e 6. classa. Questa lavur da project basada sin computer includa a moda interdisciplinara la religiun (catolic ed evangelic) e l’art figurativ.
Chalender da mate digital
Era quest onn porscha l’Associaziun tudestga dals matematichers (Deutsche Mathematiker-Vereinigung) a partir dal 1. da december ses chalender da matematica digital cun 24 pensums spezials. Tgi che na po betg spetgar: sin la pagina d’internet datti gia pensums per sa stgaudar.
Advent cun l’iPad
Co pudessi esser auter – in chalender d’advent per l’iPad! In vegl usit ed in design tradiziunal cumbinà cun ina nova tecnologia. L’app po vegnir telechargiada en l’App Store.
Chalender d’advent per in svilup durabel
Il chalender d’advent per in svilup durabel 2011 infurmescha en mintgina da sias 24 fanestrinas davart in’acziun en vista d’in svilup durabel en Svizra ed a l’exteriur. Plinavant datti dumondas da quiz e regals.
Adventskalender.net
Quest chalender d’advent en format da mp3 procura mintga di per ina surpraisa digitala: ina poesia, musica, in’istorgia u in recept per sa preparar sin Nadal.
