Concurrenzas per scolas
Persunas d’instrucziun èn adina sin la tschertga d’impuls ed ideas per cumenzar u terminar ina tematica. Cun concurrenzas per scolas emprendan ils scolars e las scolaras da collavurar en classa – quai che rinforza era il spiert da classa.
educa.ch preschenta las pli impurtantas concurrenzas per las scolas svizras, a las qualas ins po sa participar individualmain ni era sco gruppa.
Per plaschair era s’infurmar davart las concurrenzas actualas tar educa.ch-Agenda.
bike2school
bike2school envida la magistraglia e las scolaras ed ils scolars, da la quarta classa primara fin al stgalim secundar II, da sa render a scola cun il velo. L’acziun ha la finamira da sensibilisar ils uffants ed ils creschids per la tematica da moviment, la sanadad e la segirtad stradala.
bugnplay.ch - Medien- und Roboterwettbewerb
Uffants e giuvenils da 8 a 20 onns, da la scola primara fin al gimnasi, pon demonstrar co ins po utilisar las medias novas creativ e critic. Tut è lubì per cuntanscher la mira: computers, programs creads sezs, cameras da fotos, telefonins etc. Las contribuziuns pon vegnir inoltradas en tut las 4 linguas ed era en englais.
Creaviva
Il museum d'uffants Creaviva a Berna e la Mobiliar envidan classas da scola da s'occupar cun las ovras da Paul Klee e d'annunziar in project cha fa ina punt tranter la stanza da scola e l’artist. Las trais meglras ideas vegnan undradas cun ina summa da CHF 2'500.-.
eLearning Awards
Tut las scolas ed instituziuns sco era scolas autas da pedagogia da l’entira Europa (inclusiv la Svizra) pon sa participar als eLearning Awards. Las contribuziuns ston sa fatschentar cun in tema da l’instrucziun, ina collecziun da resursas, in project ni era in’activitad ed ellas ston sa basar sin las novs tecnologias.
EventManager
Emprender e s’occupar da dumondas finanzialas è la mira da la concurrenza EventManager da la PostFinance (gieu successur da BudgetGame). Il gieu online è adattà per giuvenils da 14 a 20 onns che vulan sa participar individualmain ni era en gruppa.
Castur da l'informatica
Il Castur da l’informatica è ina concurrenza internaziunala organisada da la Societad Svizra per l’informatica en scola. Uffants e giuvenils da la 5avla a la 12avla classa èn avisà. La mira è ch’ils scolars sa laschan fascinar da la tematica da l’informatica.
La giuventetgna debattescha
Quest project che vegn sustegnì da la Conferenza svizra dals directurs chantunals da l'educaziun publica (CDEP), vul dar la pussaivladad a la giuventetgna d'emprender a debattar e d'avair plaschair al scomi d'opiniuns.
Premi da software da giuventetgna
Il premi da software da giuventetgna undrescha mintg'onn programs plain originalitad e preschentaziuns raffinadas che demussan cuntegns scientifics a scolaras e scolars da la Svizra, da l'Austria e da la Germania.
Linguissimo
Vegliar l’interess dals giuvenils per autras regiuns linguisticas dal pajais e promover la communicaziun interculturala tranter la giuventetgna – quai è la mira da Linguissimo, la concurrenza svizra da las linguas.
MEDEA Awards
L'award MEDEA promova products e concepts pedagogics cun cuntegns d'instruir e d'emprender multimedials. Motivar da duvrar maletgs e tuns en l’educaziun è la mira da questa concurrenza internaziunala.
Chavalier da la communicaziun
L’Uffizi federal per la communicaziun è l’iniziant da la concurrenza il “chavalier da la communicaziun”. La concurrenza premiescha projects che sa deditgeschan a nossa societad d’infurmaziun. Il premi spezial è dotà cun CHF 5`000 e porta il titel “Segirtad e fidanza”.
SWITCH Junior Web Award 2010
Classas da scola pon sa participar gratuitamain cun l'atgna pagina da web. La concurrenza SWITCH Junior Web Award – averta a las classas dal stgalim mesaun fin al stgalim secundar II – premiescha las pli bellas ed originalas paginas da web.
ThinkQuest
Questa concurrenza da ICT vegn organisada annualmain dapli l’onn 1996. Scolaras e scolars fin 22 onns sa fatschentan cun problems dal mintgadi ch’ins po schliar cun l’agid da ICT.
Olimpiada da la scienza
L’Olimpiada svizra da la scienza s’engascha per la biologia, chemia, informatica, matematica, fisica e filosofia, cun conceder a las scolaras ed ils scolars da las scolas medias gronda cumpetenza dal fatg. Mintg’onn han era lieu concurrenzas naziunalas ed internaziunalas en chaussa.
Historia
La mira da la concurrenza HISTORIA è da d’intimar la giuventetgna da l’entira Svizra da guardar cun in egl critic sin il passà. Mintga ciclus da la concurrenza cuzza 2 onns. Il moto dal ciclus actual sa numna ‘Munds da lavur’.
Scienza e giuventetgna
Tar la concurrenza ‘Scienza e giuventetgna’ è la finamira da promover giuvens talents sin il champ da la scienza natirala, da la tecnica e da las scienzas umanas. Ils giuvenils cumenzan en in’emprima fasa cun la lavur da matura ni ina lavur da profundaziun.
x-aut-cor: il premi d’engaschament per scolas
Il premi d’engaschament x-aut-cor vegn surdà per projects da scola socials, ecologics ni caritativs. Tut las classas participantas survegnan in premi da surpraisa. Prender part pon classas e scolas fin il novavel onn da scola.
