Criteris per ina concurrenza da scola da qualitad

La glista qua sut enumerescha divers criteris da qualitad per concurrenzas per scolas.

A. Participaziun

  • Las cundiziuns da participaziun e la publicaziun da la concurrenza garantescha che la concurrenza vegn manada tras sco communitgà.

  • La concurrenza duai esser averta per tut quels che adempleschan las cundiziuns da participaziun e duai dar a tuts la medema schanza.

  • Las datas dals participants na dastgan betg vegnir communitgadas a terzs.

B. Infurmaziun

  • En la publicaziun duessan esser definids ils criteris d’evaluaziun per la concurrenza.

  • Tut ils participants duain retschaiver ina confirmaziun da l’annunzia e duain vegnir infurmads da lur resultads. Sche quai n’è - ord motivs organisatorics - betg pussaivel, sto la publicaziun inditgar quai cleramain.

  • Ils resultads da la concurrenza vegnan documentads publicamain.

C. Valitaziun

  • La giuria lavura en maniera independenta, objectiva ed averta.

  • Tut las contribuziuns vegnan tractadas ed evaluadas cun quità.

D. Finamira

  • La concurrenza envida da purtar ina prestaziun pedagogica.

  • La concurrenza promova cumpetenzas impurtantas da las scolaras e dals scolars.

  • La concurrenza ha la mira da pussibilitar ad uffants e giuvenils in’experientscha d’emprender animanta e stimulanta.

  • La concurrenza promova novas furmas d’instruir ed emprender.

E. Purtaders

  • La concurrenza na persequitescha betg interess commerzials.

  • Ina cumissiun da controlla garantescha la qualitad professiunala e pedagogica da la concurrenza.

Ils purtaders dal project resalvan il dretg da decider (sin la basa dals criteris sura numnads) davart l’admissiun e la refusa d’ina concurrenza.

(Questa glista cun criteris da qualitad per concurrenzas per scolas è vegnida elavurada da la «Arbeitsgemeinschaft bundesweiter Schülerwettbewerbe»: Criteris da qualitad per bunas concurrenzas per scolas, Kiel 2008.) ed è vegnida adattada per ils basegns svizzers.

Questa pagina per: Deutsch Français Italiano

Ultima actualisaziun da questa pagina: 11.02.2016

Job