Cundiziuns d'admissiun

Las cundiziuns d'admissiun dependan dal gener da la furmaziun supplementara. Per la gronda part da las purschidas da furmaziun supplementara na datti naginas cundiziuns d'admissiun spezialas. Suenter esser s'annunzià al curs e suenter avair pajà las taxas pon ins cumenzar cun ina occurrenza da furmaziun supplementara. Tests da classificaziun pon avair lieu, sch'ils curs vegnan dads en gruppas da nivel (p.ex. en il sectur da las linguas e da l'informatica).

Cundiziuns d'admissiun spezialas valan en cas d'occurrenzas da furmaziun supplementara che vegnan purschidas d'instituziuns dal stgalim terziar (tranter auter Master of Advanced Studies [MAS], Diploma of Advanced Studies [DAS], Certificate of Advanced Studies [CAS]). La premissa è savens ch'ins possedia in diplom correspundent.