Infurmaziuns

Il ‚Center didactic online’ è avert per mintga persuna. Per promover ses svilup dovra el amur e tgira. Nus duvrain adina: novas contribuziuns, tips per amplificaziuns, reclama etc. Mintga scolasta e mintga scolast, mintga organisaziun, persuna interessada, mintgin po contribuir insatge per promover il svilup dal ‘Center didactic online’.

Tut quest material è arcunà en ina banca da datas. Sche ti tschertgas pia ina lavur tar ina tematica specifica sche pos ti laschar tschertgar la maschina da tschertgar suenter il chavazzin giavischà. Sco resultat chattas ti ina schelta da tut las lavurs, da tut il documents che cuntegnan quest chavazzin.

Il sulet che ti stos far è da t’annunziar cun in num d’utilisader ed il pled da pass che ti pos suenter utilisar per tut la lavurs sin questa banca da datas.

Per endatar novas lavurs, lavurs che ti vuls metter a disposiziun a las scolastas ed als scolasts rumantschs, pos ti t’annunziar cun tias indicaziuns (num d’utilisader e pled da pass) e ti pos suandar ils pass in suenter l’auter tenor indicaziuns. A la fin das ti il cumond da chargiar tes documents sin la banca da datas. Quels documents vegnan controllads e dads liber da la persuna responsabla dal Center didactic regiunal.