Istorgia civica e furmaziun politica en Svizra
Elecziuns, votaziuns, iniziativas – bleras paginas da web porschan bun material per l’instrucziun. Noss toplinks gidan a preparar l’instrucziun e pon enritgir las lecziuns a moda plaschaivla. Differentas paginas era per rumantsch!
CiviCampus
La plattafurma interactiva d’istorgia civica "CiviCampus" è ina purschida dals servetschs dal parlament da l’Assamblea federala svizra. Scolas ed interessads pon emprender l’istorgia civica a moda plaschaivla. Pagina era per rumantsch!
Tge sas ti da l’istorgia civica?
Il portal svizzer ch.ch ha creà in med d'instrucziun e d'emprender online per meglierar la savida da l'istorgia civica svizra. Il gieu sa basa sin dumondas e respostas tenor la broschura “La Confederaziun en furma concisa”. Pagina era per rumantsch!
Il sistem politic en Svizra
La preschentaziun interactiva da Swissworld davart las tematicas istorgia, furma statala, chantuns, elecziuns, parlament, cussegl federal e tribunals suprems portan als utilisaders ina survista nizzaivla pertutgant il funcziunar da la Svizra.
Democrazia directa
La DVD ch’è telechargiabla mussa co che la democrazia directa funcziuna en la pratica. Ella cuntegna 12 contribuziuns da video cun exempels concrets, animaziuns, texts e links tar l’istorgia e l’organisaziun dal sistem politic en Svizra.
Votaziuns ed elecziuns
Elecziuns, votaziuns, iniziativas – il portal d’internet ch.ch porscha infurmaziuns multifaras davart la participaziun en Svizra, saja quai davart l’istorgia u era davart actualitads.
Elecziuns
Has gust da survegnir invista en las elecziuns dal parlament federal? "Tellvetia" porscha in film animà en l’internet. Suonda Seraina e Peder, els mussan a tai en 7 minutas co che quai funcziuna! Ils spics gidan tai da s’orientar. Pagina era per rumantsch!
Fanestra dals chantuns
La fanestra dals chantuns dal portal svizzer ch.ch porscha fatgs detagliads, cifras, cultura, istorgia e vita da mintga chantun svizzer. Pagina era per rumantsch!
Gieu dals chantuns
Swissworld, il portal areguard la Svizra, ha creà in gieu animà, nua che l’utilisader po mussar sia savida davart las vopnas ed ils lieus dals chantuns.
Prinzi e pievel – Istorgia civica dal Principadi da Liechtenstein
L’uffizi da scola dal Principadi da Liechtenstein ha creà ina pagina da web per l’instrucziun da l’istorgia civica davart istorgia, constituziun, politica interna e da l’exteriur. Là chatt’ins era pensums e soluziuns.
Furmaziun politica
La pagina da web infurmescha davart furmas centralas, finamiras e cuntegns da la furmaziun politica. Ella sa drizza a la magistraglia da tut ils stgalims e cuntegna propostas per l’instrucziun e discussiuns.
Ciclus politic
Il ciclus politic da la scol’auta da pedagogia dal nordvest da la Svizra è in tool d’emprender gratuit per la furmaziun politica e sa drizza a la 9avla classa dal stgalim sec I. Quest med d’instrucziun (blended-learning) resguarda novs meds e novas modas d’emprender.
D@dalos: server da furmaziun internaziunal da l’UNESO
Infurmaziuns e materialias d’instrucziun e d’emprender davart la furmaziun politica ed era educaziun pacifistica (dretgs dals umans, democrazia, ONU, UE, globalisaziun). Cun cronologias, glossaris e links.
Segirtad umana
Il med d’instrucziun dal DFAE (Departament federal d'affars exteriurs) sa drizza a las studentas ed als students dal stgalim sec II. Entaifer 7 moduls vegnan ils interessads intimads da guardar sin il svilup da la societad e da la politica mundiala sco era da vegnir conscients da l’atgna rolla en la societad.
Lexicon Istoric Retic (LIR)
Il Lexicon Istoric Retic (LIR) è l'emprim lexicon tematic da la Svizra rumantscha. Il LIR cuntegna artitgels davart lieus, biografias, famiglias e tematicas specificas. El ha damai il medem concept sco il «Historisches Lexikon der Schweiz» (HLS).
