Onn internaziunal da la chemia 2011
La radunanza generala da l’ONU ha declerà l’onn 2011 tar l ’Onn internaziunal da la chemia (IYC2011). La mira principala da quest onn e da promover tar ils giuvenils l’interess per la chemia. Las paginas da web numnadas qua sut èn tudestgas.
Onn internaziunal da la chemia Svizra
La pagina da web da l’ Onn internaziunal da la chemia organisescha e coordinescha tut tar il tema chemia: preschentaziuns, referats, curs d’experimentar, exposiziuns e concurrenzas da scola. In’agenda infurmescha davart tut las occurrenzas en l’entira Svizra.
Marca postala da la Posta
A chaschun da l’ Onn internaziunal da la chemia edescha la Posta ina marca postala speziala. Sin questa marca pon ina vesair il molecul dal vitamin C che duai far allusiun a la perscrutaziun e las prestaziuns fatgas sin il champ da la chemia en Svizra.
Comic che tratta la vita da la Marie Curie
La primavaira 2011 vegn il comic «Les vies de Marie Curie, une femme dans l'histoire de la chimie» da l’artista Fiami publitgà. El cumbinescha l’istorgia da la chemia e la vita d’ina dunna che ha vivì per la chemia en ina moda e maniera divertenta. Per las scolas datti in curt manual didactic.
Chemia a l’Universitad d’uffants
A chaschun da l’ Onn internaziunal da la chemia envidan l’Institut chemic da l’Universitad da Turitg ensemen cun l’Universitad d’uffants las terzas fin 6avlas classas primaras tar prelecziuns e curs en labors. Ils curs ha lieu a l’Universitad da Turitg.
Material per l’instrucziun tar chemieunterricht.ch
La facultad da chemia dal Gimnasi Köniz-Lerbermatt ha publitgà sin sia pagina d’internet material per l’instrucziun durant l’ Onn internaziunal da la chemia.
BASF & scola
La BASF Ludwigshafen porscha a las persunas d’instrucziun ina gronda purschida da fegl da lavur, materialias interactivas, concurrenzas ed infurmaziuns tar il rom chemia.
Olimpiada svizra da chemia
L’Uniun svizra per olimpiadas da chemia, la SwissChO, organisescha a chaschun da ‘Giuventetgna e Scienza’ la procedura d’eliminaziun per scolaras e scolars gimnasials. Ils victurs pon prender part a las olimpiadas da chemia internaziunalas. 2011 ha l’olimpiada da chemia internaziunala lieu ad Ankara. .
Concurrenzas en chemia ed egualitad dals dretgs
Entaifer il program accumpagnant da l’ International Year of Chemistry - IYC – 2011, organisescha Xperimania duas concurrenzas tar ‘la rolla da la dunna en la chemia’. Las concurrenzas èn avertas per scolaras e scolars dal gimnasi tranter 14 e 21 onns.
