Protecziun da datas
Il tema da la protecziun da datas, oravant tut las datas persunalas, è era sin il champ scolastic d’auta actualitad. Cunquai che ICT vegn adina pli impurtant ston scolaras e scolars sco era las persunas d’instrucziun vegnir fatgs attents sin quest tema per evitar consequenzas negativas.
Campagna: Mias datas èn las mias!
Per il 5avel Di europeic da la protecziun da datas vegn la campagna svizra ‘NetLa – Mias datas èn las mias!’, per giuvenils tranter 5 e 14 onns, lantschada. Questa campagna vul sensibilisar ils uffants ed adolescents d’utilisar datas ed infurmaziuns persunalas en maniera correcta e prudenta.
Material didactic davart la protecziun da datas
L’incaricà federal da la protecziun da datas ha sviluppà material didactic adattà per scolaras e scolars tranter 15 e 19 onns. Cun quest material pon ils giuvenils acquistar las conuschientschas da basa davart la protecziun da datas.
Scola, ICT e protecziun da datas
Il dossier d’educa.ch vul furnir a las persunas che opereschan en in ambient educativ cussegls e recumandaziuns per evitar abus da las datas persunalas.
Publitgar e telechargiar da l’internet – in manual
La direcziun d’educaziun dal chantun Berna ha edì in manual per tut las persunas d’instrucziun e manaders da scola davart il tema ‘Protecziun da datas en las scolas obligatoricas dal chantun Berna’.
elternet.ch - Protecziun da datas
La website elternet.ch - che cusseglia geniturs davart l’educaziun mediala da lur uffants - ha mess ensemen in dossier davart protecziun da datas. El vul render attent ils geniturs als privels multifars che lur uffants èn suttamess durant surfar en la rait.
Di da la protecziun da datas
Il Di europeic da la protecziun da datas ha la mira da sensibilisar tut ils users davart privacy e protecziun da datas.
